Gure etxea proiektu malgua da, aukera ematen baitu prestakuntza-ibilbide desberdinak eraikitzeko, ikasgela bakoitzeko behar jakinei egokituta. Irakaslearen gidan, unitate bakoitzerako iradokizun didaktikoez eta lankidetza-lanerako proposamenez gain, bi orrialdetan, oinarrizko eduki teologikoei buruzko prestakuntza ematen da, irakasleak beharrezkoak izango baititu eskola emateko. Gure etxea, gainera, Bizigarri gehiago proiektu globalaren parte da. Proiektu global hori bereziki dago pentsatuta neska-mutil guztiek segurtasunez ikas dezaten, beren gaitasunak gara ditzaten eta ikasitakoa bizitzarekin lot dezaten. Proiektu honen helburuetako bat irakasleari laguntza ematea ere bada: laguntza ematea, ikasleak beren ikaskuntzan bideratu ditzan, bakoitzaren gaitasunak, adimenak eta trebetasunak kontuan hartuta. Hori dela eta, Bizigarri gehiago proiektuak zenbait baliabide, metodologia eta tresna eskaintzen ditu, teknologian oinarrituta. Bizigarri gehiago proiektuak hobeto ikasten laguntzen die neska-mutil guztiei, zenbait arrazoi tarteko: 1. Bildu egiten ditu antzeko edukiak dituzten unitateak, ikasleek errazago lot ditzaten kontzeptuak, eta haien arteko erlazioak egin ditzaten.2. Lanerako metodologia sistematikoa erabiltzen du, ikaslea hartuta bere ikaskuntzaren ardaztzat. Metodologia hori lau fasetan garatzen da:                     - Abiatzea, ikasleak motibatuz, aurretiko ideiak zein diren ikusiz eta haiengan jakin-mina piztuz.                     -         Eduki berriak ulertzea.                    - Beste testuinguru batzuetara eta bizitzara aplikatzea edo transferitzea.                     - Ikasitakoa laburbiltzea edo berrikustea, zenbait jarduera-mota eginez, antolatzaile grafikoak erabiliz eta gaitasunetan oinarritutako jarduerak eginez. Nire egunkaria izeneko atal bat ere badu, ikasleek ikasitakoari buruz gogoeta egiteko. 3. Edukiak erraz ulertzeko moduan aurkezten ditu, ondo ordenatutako diseinu baten bidez, irudi errealistak erabiliz, eta bai hizkera bai informazioa egituratzeko modua argiak eta ikasleen adinerako egokiak izatea bermatuta. 4. Ulermen-trebetasunak garatzeko aukera ematen du. 5. Lankidetzan ikastea bultzatzen du; ikaskuntza lankidetzakoa, erabatekoa, efikaza eta ikasgelan erraz lantzeko modukoa da, ikasleek elkarrekin ikas dezaten bakarrik lan egiten.  6. Zenbait pentsamendu-estrategia sustatzen ditu, ikasleek beren ikaskuntzan sakontzeko eta, aldi berean, hainbat tresna sortzen joateko, bizitza osoan erabili ahal izan ditzaten. Zehazki, sistematikoki lantzen da metakognizioa, ikasleek funtsezko lau alderdiri buruz gogoeta egin dezaten: zer ikasten duten, nola ikasten duten ondoen, norekin ikasi duten eta nola sentitu diren.