PROIEKTU BIDEZ IKASTEN zenbait ikastetxetako esperientziatik jaio den proposamena duzu, eta proiektutan oinarrituta ikastea du ardatz. PROIEKTU BIDEZ IKASTEN metodologian, ikaslea bera da bere ikaskuntzaren protagonista, eta helburua da pertsona gaitu eta sortzaileak garatzea, ingurunearekin konpromisoa hartuko dutenak.Gure proiektu guztietan, ikasleek erronka bati erantzuna bilatzeko beharra izango dute; erronka beti hurbila izango da, beren errealitate eta interesetatik gertukoa. Proiektuan zehar, behin eta berriz helduko zaio erronkari, ikasleak adi-adi eta guztiz motibatuta edukitze aldera. Gainera, zenbait pertsonaia edo erreferentek proiektu osoan zehar lagundu, aholkuak eman eta animatu egingo dituzte ikasleak. Eskatuko zaizkien tarteko emaitzek, berriz, lagundu egingo diete aurrera egiten edota erronka burutzen.Beren izaera sozialagatik bereizten diren erronkak ditugu abiaburu, ikasleen hazkuntza pertsonalean nahiz haien inguru hurbilenean eragina izango dutenak (ikastetxea, familia, auzoa…). Horregatik, gure proiektu guztietan funtsezkotzat jotzen dugu amaieran hezkuntza-komunitateari azken emaitza ezagutaraztea.Ikasleek eginez eta egindakoari buruz hausnartuz ikasten dute; arazoak identifikatu eta irtenbideak bilatzen dituzte; planifikatu, ikertu, esperimentatu, sortu eta ezagutarazi egiten dute, ezarritako curriculum-edukia berenganatzeko. Proposatzen ditugun tresnek eta jarduerek ikasleei ikasten laguntzen dieten emozioak sustatzen dituzte: jakin-mina, konfiantza eta poza. Hainbat egoeratan ikasgelako giro emozionala eta gogo-aldartea hautemateko estrategiak ere badituzu, esku hartzeko proposamen eta guzti, beharrezkoa balitz ere.